Söguleg kúltúrferð til Norður Ítalíu

22. til 30. maí 2022

Ferðalýsing

Á vordögum efna Söguferðir ehf til ferðar sem verður væntanlega ólík flestum öðrum ferðum Söguferða. Ferðin er helguð tveimur þemum sem hafa gjarnan verið hluti Söguferða, tónlist og ,,hulduþjóð“, en ekki með svo mikið vægi sem nú. Mun þessi ferð, ef að líkum lætur, einkennast af þeirri lífsgleði og heilbrigðu forvitni sem hefur hingað til verið aðalsmerki Söguferða. Ferðinni er sumsé heitið til Norður-Ítalíu. Við munum dvelja 8 nætur á einu og sama hótelinu, Hotel Palace Desenzano, góðu 4 stjörnu hóteli við Gardavatn.

Megin þemu þessarar einstöku ferðar til Gardavatns og nágrennis eru þrjú:

  1. Að njóta menningar og sögu þeirra staða sem við ferðumst um.
  2. Að kynnast tónlist Þorvalds Gylfasonar við ljóð Kristjáns Hreinssonar í ítalskri þýðingu Olgu Clausen. Flytjendur: Berta Dröfn Ómarsdóttir og Sigurður Helgi Oddsson.
  3. Að heimsækja Kimbra, eina litla  hulduþjóð sem þarna býr og hefur búið lengi.

Frekari upplýsingar gefa:
Anna Karitas Bjarnadóttir, sími 862-8361 og
Þorleifur Friðriksson, sími 564 3031 /611 4797

Verð í tvíbýli: 250.000
Verð í einbýli: 300.000

Gott að hafa í huga

MIKILVÆGAST:

  1. Það gæti verið að við þurfum að hafa vottorð um PCR próf ekki eldra en 48 tíma. Þetta er þó ekki víst. Menn hafa verið að slaka verulega á þar og allt eins víst að allt verði opið þann 9. apríl þegar við komum. Ég læt vita í tæka tíð fyrir brottför.
  2. Muna að hafa með sér gilt vegabréf.
  3. Minni enn og aftur á að fara inná www.sjukra.is og sækja þar um tvennskonar sjúkratryggingarskilríki. Annars vegar það sem gildir innan EES svæðisins (það er lítið sætt plastkort sem þið fáið sent). Hins vegar er svo yfirlýsing á ensku um að við uppfyllum skilyrði Tryggingarstofnunar Íslands um sjúkratryggingu utan EES svæðisins. Þetta er auðvelt og hægt að gera hvenær sem er en ágætt að ljúka þessu af.
  4. Þótt ekki sé varað sérstaklega við ákveðnum sýkingum í Úzbekistan er hyggilegt eins og alltaf þegar maður heldur í ferð um framandi slóðir að ræða við heimilislækni sinn og athuga hvort hann ráðleggi einhverja sérstaka bólusetningu sem þú gætir hafa fengið áður en er hugsanleg runnin út á tíma.

EKKI EINS MIKILVÆGT EN GOTT AÐ HAFA Í HUGA:

  1. Meðalhiti í  apríl er á bilinu 16-20 °C. Það hefur þó verið nokkrum breytingum undirorpið síðustu ár.  Það má líka búast við skúrum en í hófi.
  2. Varðandi fatnað er skynsamlegt að hafa léttan fatnað úr bómull eða einhverju viðlíka. Okkur gefst náttúrulega líka gott tækifæri til að höndla bómull og silki þar eystra. Muna líka eftir höfuðfati og sólgleraugum. Það eru engar strangar reglur um klæðnað kvenna. Þegar við heimsækjum trúarlegar byggingar, moskur eða synagógur gerum við þó rétt með því að ögra ekki hinum trúuðu. Þá er sjálfsagt að bera  höfuðklút eða sjal, hafa ekki berar axlir og vera ekki í stuttum pilsum.
  3. Muna endilega eftir gömlu lúnu skónum. Þeir reynast oftast best.
  4. Varðandi tíðni magakveisu meðal evrópskra ferðalanga í Úzbekistan þá er hún ekki stórt vandamál. Við fylgjum ábendingum um neyslu matvæla, til dæmis er ekki hyggilegt að neyta hrás grænmetis. Matur í Úzbekistan er bæði margbreytilegur og góður. Áfengi er gjarnan borið fram með mat og hreinsar gjarnan og kætir.  Það er kannski hyggilegt að taka með sér lyf við magakveisu svona til öryggis.
  5. Úzbekíski gjaldmiðillinn nefnist SÚM (UZS) 1 íslensk króna er tæplega 75 súm.
    1. Hyggilegt er að taka með sér dálítið af  EUR eða USD en gæta þess að seðlar séu nýlegir, sléttir og ekki eldri en frá 1996. Við getum líka tekið út fé í hraðbönkum í Tashkent, Búkara, Samarkand og víðar en slík tæki eru fáséð í smærri bæjum. MUNA BARA PINNÚMERIÐ.
  6. Tímamunur er + 5 klst.
  7. Ég hef verið svo heppinn að kynnast ungum Íslendingi sem bjó í Tashkent 2020 og vildi gjarnan  hitta okkur þegar við ætluðum í ferðina sem plágan kom í veg fyrir. Nú er hann flutter til Kirkistan. Hann ritaði eftirfarandi:
    • Eitt af því góða hérna í Úsbekistan er veðráttan.  Miðað við Ísland þá er eiginlega aldrei neinn vindur og það rignir mjög sjaldan.  Það er líka oftast heiðskýrt.  Það var reyndar svolítið kalt í dag en ég býst við að þegar þið komið þá muni jakkar duga og jafnvel orðið svolítið heitt.  Hafa þarf í huga að munurinn á hitastigi á daginn og nóttinni er miklu meiri en við erum vön á Íslandi.  Maður klæðir sig stundum miðað við hitastigið um daginn en svo þegar fer að kvölda þá finnur maður stundum að  gott væri að vera með auka peysu eða flík til þess að bæta utan á sig.
Þorleifur Friðriksson

Þorleifur Friðriksson stundaði nám í sagnfræði við HÍ og lauk fil.cand. prófi frá Háskólanum í Lundi 1978. Þorleifur stundaði rannsóknir í Danmörku og Þýskalandi og lauk doktorsprófi í sagnfræði frá Háskólanum í Lundi 1990. Þorleifur hefur starfað við kennslu, fræðastörf, leiðsögn um söguslóðir og útvarpsþáttagerð. Þorleifur er eigandi ferðaskrifstofunar Söguferðir ehf.