Bókanir hjá Söguferðum í síma 564 3031 og 611 4797. Fyrirspurnir og pantanir á soguferdir@soguferdir.is.

Pólland, í slóð seinni heimstyrjaldar

Berlín – Varsjá. Ríkisþinghúsið, Ólimpíuleikvanginn. Hvar voru  aðalstöðvar Gestapó? Gyðingasafnið, Sachenhausen, Wroclaw (Breslá), Kraków, saltnámurnar í Wielicka, Auchwitz-Birkinau, Lodz, Varsjá.

Pólland í slóð seinni heimstyrjaldar

Úlfsgreni Hitlers,  (Wolfsschanze), Gdansk, Westerplatte og Stutthof.

Pólland, haustskrúði á heljarslóð

September. Varsjá – Evrópufrumskógurinn (Puszcza Białowieska) í haustskrúða, Úlfsgreni Hitlers. Flogið til Varsjá og heim frá Gdansk. Þetta er ferð fyrir hvern þann sem hefur svo mikið sem snefil af áhuga á sögu, náttúrufegurð og samveru með skemmtilegu fólki.

Saga Póllands og Unaður Karpatafjalla

Sumarferð. Kraków- Zakopane- Przemyśl-Zamosc-Lublin-Kazimierz Dolny-Varsjá.Ógleymanleg náttúrufegurð og dramatísk saga. Í þessari ferð kynnumst við auk þess a.m.k. tveim hulduþjóðum, Boykum og Lemkum.

Söguferð til Georgíu og Armeníu

Georgía og Armenía. Við hefjum ferð í höfuðborg Georgíu hvar við dveljum fyrstu fjórar næturnar. Þá höldum við yfir til Armeníu og förum um sveitir og borgir og kynnumst sögu og menningu þessarar þjóðar sem sannarlega er þess virði að kynnast.

Söguferð til Armeníu og Íran

Armenía-Íran. Við hefjum ferð í höfuðborg Jerevan hvar við dveljum fyrstu 6 næturnar. Þá höldum við yfir til Írans þar sem við dveljum 7 daga og ljúkum ferð í höfuðborinni, Teheran.

Búlgaría

Í leit að hvundagslífi og rósailmi. Við heimsækjum fortíð og samtíð, kynnumst hinum fornu Þrökum og hinum bráðlifandi Pomökum að ógleymdum Búlgörum sjálfum með menningu sína og sögu. Við endum ferð við Svartahaf þar sem vil njótum hvítrar strandar og munaðar á 5 stjörnu hóteli.

Bútan, Nepal, Indland

Hátt í Himalajafjöllum austanverðum, milli Indlands og Tíbets er konungsríkið Bútan, land dulúðar, stórbrotinnar fegurðar, mikilla fjalla, djúpra dala, ósnortinna skóga og aldagamallar menningar og hefða fólksins sem þar býr. Hvað samfélagsþóun varðar hefur fólkið sem þar býr fetað þröngan stíg á milli nútímavæðingar og strangrar íhaldsemi í trú, menningu og viðhorfum til náttúrunnar. Hvert hérað, hver hreppur, hvert þorp hefur þróað sína eigin sérstæðu menningu, hátíðir, matarhefðir og klæðnað sem oft er jafn framandi íbúum borganna og okkur sem komum lengra að. Í þessari ferð gefst einstætt tækifæri fyrir okkur sem erum áhugasöm um framandi samfélög, sögu þeirra og menningu, að skoða kviku mannlífs fjarlægra sveita og þorpa sem er býsna ólíkt því sem við eigum að venjast. Bútan er í aðalhlutverki í þessari ferð en við notum tækifærið og kynnum okkur nágrannaríkin Nepal og Indland.

Chile, Páskakeyjar-Bolivia

Samfélög og lönd hinna miklu andstæðna. Chile nær yfir helming lengdar  Suður-Ameríku með eyðimörk í norðri og kalda túndru í suðri og býr því yfir mikilli náttúrulegri fjölbreyttni. Strandlengjan er um 4.300 km. löng. Á aðra hönd gnæfa tindar Andesfjalla, á hina Kyrrahaf. Í norðri má finna þurrustu eyðimörk í heimi, Atacama, í mið Chile er fjöldi frjósamara dala þar sem víngerð hefur verið stunduð um aldir og suðri eru vatnahéruð  með sín miklu eldfjöll, djúp-bláu vötn og tilkomumikla fossa. Enn sunnar er svo Patagonia, land íss, fjalla og jökla,- strjálbýl túndra á ,,endimörkum jarðar”. Í þessari ferð verður reynt að afhjúpa leyndardóma Chile. Svo bætum við Páskaeyjum og Bólivíu við.

Hulduheimar Balkansskaga

16 daga haustferð um Serbíu – Bosníu og Hersigovínu – Kósovo – Albaníu – Svartfjallaland og Króatíu. Á sögulegum tíma hefur Balkanskaginn verið líkt og kraumandi pottur menningastrauma, þjóða, goðsagna og ólíkra hefða en býsna eingangraður frá öðrum hlutum Evrópu. Það er ekki síst af þessari ástæðu að samfélög Balkanskagans hafa um aldir heillað ferðalanga sem hafa skyggnst þar inn í heima framandi samfélaga. Þessi ferð hefur að leiðarljósi að heimsækja þessa hulduheima ólíkra þjóða og bæta nokkrum litríkum perlum í ferðasjóð

Albanía

Í leit að horfnum heimi. Tirana, Shkodra, Dürres, Berat, Apollonia. Menning, saga og sjálft líf þessarar þjóðar, afkomenda hinna fornu Illíra. Gist á góðum hótelum með morgunverði og kvöldverði.

Menning og hvunndagur á Kúbu

Flogið gegnum Toronto þar sem við gistum eina nótt á útleið. Á heimleið verður beint flug með millilendingu í Toronto og þá gefst tækifæri á að framlengja dvöl í þessari spennandi borg. Eiginlegt markmið ferðarinnar er hin raunverulega Kúba. Dvalið verður nokkra daga í  Havana þar sem kynnumst borginni og litríku lífi hennar. Við ferðumst um eyna, kynnumst sögu og menningu eyjarskeggja að ógleymduhversdagslífi. Ef að líkum lætur gefst kostur á að læra salsa og aðra fótmennt. Í lok ferðar hvílumst við á góðu 4 str. hóteli í Varadero þar sem fullt fæði (og drykkir) er innifalið.

Vínarborg

Júní til september. Ferð um borg Habsborgara, tónlistar og hvundagsgleði. Við fetum í slóðir tónskálda, Beethovens, Schuberts og Motzarts, heimsækjum Vínaróperuna. Gert er ráð fyrir dagsferð til Linz. Geir Rögnvaldsson.

London, Wales

1. til 10. september. London, Wales – Þessari ferð er ætlað að lyfta hulunni af sögu og menningu sem okkur er nálæg en sem jafnframt er sveipuð dulúð. Við kynnumst norrænni, engilsaxneskri og keltneskri og menningu og sögu.

Samaland

September- október. Þessi ferð verður helguð menningu og sögu Sama. Flogið verður um Kaupmannahöfn til Kiruna í Svíþjóð og ekið um ,,Sápmi” (Samaland) til Tromsö. Þaðan verður svo flogið heim um Ósló.

Um Íslendingaslóðir í Kaupmannahöfn

Desember. Kaupmannahöfn var höfuðborg okkar í 500 ár og þar er íslensk saga nánast við hvert fótmál. Sennilega er engin erlend borg sveipuð jafn rómantískri fortíðarþrá í hugum Íslendinga. Þessari fortíðarþrá ætlum við að svala í einni helgarferð. Á milli þess sem við fetum eftir þröngum götum gömlu Kaupmannahafnar hvílum við okkur á öldurhúsum sem við könnumst við úr sögum af íslenskum námsmönnum í Höfn á 18 og 19. öld.

Þriggja landa sýn. Litháen-Hvítarússland-Pólland

Söguferðir hafa kolfallið fyrir Hvítarússlandi og efna til enn einnar ferðar þangað og nú með breyttri ferðaáætlun, Vilníus, Minsk, Varsjá, Kraków. Við heimsækjum ,,hulduþjóð” skammt frá landamærum Úkraínu og fljúgum heim frá Varsjá sem maður fær aldrei nóg af.

Norð-austur Brasilía og Amazon

Júlí – ágúst. Norð-austur Brasilía og Amazon fljót. (Er í vinnslu).